Քաղաքացուն վրաերթի ենթարկած վարորդը ներկայացել է ոստիկանություն
Հոկտեմբերի 5-ին, ժամը 10.30-ին, Երևանի Արշակունյաց պողոտայում «Օպել» մակնիշի ավտոմեքենայի վարորդը վրաերթի էր ենթարկել 39-ամյա քաղաքացու, որը մարմնական վնասվածքներով տեղափոխվել էր հիվանդանոց:
Ոստիկանության Շենգավիթի բաժնի ծառայողների բացատրական աշխատանքների շնորհիվ, հոկտեմբերի 25-ին, ժամը 16.00-ին, «Օպել» ավտոմեքենայի 40-ամյա վարորդը ներկայացել է բաժին և տվել խոստովանական բացատրություն, որ հոկտեմբերի 5-ին Արշակունյաց պողոտայում վրաերթը կատարել է ինքը:
Կատարվում է քննություն։
