«Երեկ ուշ երեկոյան երկար պայքարից հետո մայրս գնաց». մահացել է Արմեն Աշոտյանի մայրը
Արմեն Աշոտյանը ֆեյսբուքյան իր էջում գրում է․ «Երեկ ուշ երեկոյան երկար պայքարից հետո մայրս գնաց։
Միշտ կարծում էի, որ դեռ կհասցնեմ ամբողջությամբ շնորհակալ լինել իրեն իր սիրո, դաստիարակության ու ինձ կյանք տալու համար։
Ավաղ։
Շնորհակալ եմ ողջ բուժ. անձնակազմին մինչեւ վերջ ցուցաբերած մարդկային ու մասնագիտական որակների համար։ Առողջություն բոլոր տառապյալներին։
Հոգեհանգիստը տեղի կունենա երեքշաբթի, հոկտեմբերի 26-ին, ժամը 18.00-ից Կոնդի Սուրբ Հովհաննես եկեղեցում։
Հուղարկավորությունը նույն եկեղեցուց, հոկտեմբերի 27-ին, ժամը 13.00:
Իմ եւ մեր ընտանիքի կողմից շնորհակալ եմ բոլորին ցավակցությունների, համերաշխության եւ գոտեպնդման համար։
Աստված պահապան բոլորիդ»։
168.am–ի աշխատակազմը ցավակցում է Արմեն Աշոտյանի ընտանիքին, հարազատներին, ընկերներին ու մտերիմներին։
