Կյանքից հեռացել է Նիդերլանդներում Հայաստանի նախկին դեսպան Վիգեն Չիթեչյանը
Կյանքից հեռացել է Նիդերլանդներում Հայաստանի Հանրապետության նախկին դեսպան Վիգեն Չիթեչյանը, այս մասին տեղեկացնում է Նիդերլանդներում ՀՀ դեսպանատան ֆեյսբուքյան էջը։
«Խորը վշտով տեղեկացնում ենք, որ կյանքից հեռացել է հայ դիվանագիտության մեծ վարպետ, մեր ավագ գործընկեր և ուսուցիչ, պայծառ մարդ, ՀՀ արտակարգ և լիազոր դեսպան Վիգեն Չիտեչյանը:
Վիգեն Չիտեչյանը 1997-2009թթ. ղեկավարել է Բրյուսելում ՀՀ դիվանագիտական ներկայացուցչությունը»,– ասվում հաղորդագրությունում:
Կենսագրություն
Ծննդյան թիվ և վայր՝ 1941թ. հուլիսի 26, ք․ Երևան
Կրթություն՝ Ավարտել է Հայաստանի պետական ճարտարագիտական համալսարանը, Մոսկվայի պետական ավիացիայի ինստիտուտը և Մոսկվայի էներգետիկայի համալսարանը: Տեխնիկական գիտությունների դոկտոր։
Աշխատանքային գործունեություն՝
1969-1985թթ. աշխատել է Հայաստանի պետական ճարտարագիտական համալսարանում` որպես էլեկտրական մեքենաների ամբիոնի վարիչ, ապա Թունիսի ազգային ճարտարագիտական ինստիտուտում` որպես ամբիոնի վարիչ:
1985-1990թթ. «Հայէլեկտրամեքենա» գիտաարդյունաբերական ձեռնարկության գլխավոր ճարտարագետ
1990-1991թթ. ՀՀ Արդյունաբերության փոխնախարար
1991-1993թթ. ՀՀ պետնախարար
1993-1995թթ. ՀՀ փոխվարչապետ
1995-1997թթ. Ֆրանսիայում ՀՀ արտակարգ և լիազոր դեսպան
1997-2009/2010թթ. ՀՀ արտակարգ և լիազոր դեսպան Բելգիայում, Նիդեռլանդներում և Լյուքսեմբուրգում, Եվրոպական միությունում ՀՀ առաքելության ղեկավար
1997-2004թթ. ՆԱՏՕ-ում ՀՀ առաքելության ղեկավար
2009-2018թթ․ Ֆրանսիայում ՀՀ արտակարգ և լիազոր դեսպան
2011-2018թթ․ Մոնակոյում, Անդորրայում ՀՀ արտակարգ և լիազոր դեսպան
2012-2013թթ․ Վատիկանում ՀՀ արտակարգ և լիազոր դեսպան
Դիվանագիտական աստիճան՝
Արտակարգ և լիազոր դեսպան
Պարգևներ՝
2001թ. «Մխիթար Գոշ» մեդալ
2021թ․ «Հայրենիքին մատուցած ծառայությունների համար» 1-ին աստիճանի շքանշան
Օտար լեզուներ՝
Ռուսերեն, ֆրանսերեն, անգլերեն
Ընտանեկան կարգավիճակ՝
Ամուսնացած է, ունի մեկ որդի:
