Կումանը՝ Գրիզմանին սուլելու մասին
«Խետաֆեի» հետ հանդիպման վերջում Ռոնալդ Կումանը մեկնաբանել է խաղի ընթացքում երկրպագուների սուլոցներն Անտուան Գրիզմանի հասցեին:
«Վատ է, որ երկրպագուները սուլում են Գրիզմանին: Ես սա չեմ հասկանում: Նա դժվարություններ ուներ հանդիպման ժամանակ, նրա բախտը չբերեց, բայց չի կարելի սուլել ֆուտբոլիստին, ով վճռական է աշխատել»,- ասել է մարզիչը:
Դժվար է ասել, թե ինչու են երկրպագուները դժգոհ Գրիզմանից: Թերևս, դա նրա ելույթի պատճառով է այս մրցաշրջանում, կամ գուցե նրանք կցանկանային, որ նա հեռանար, իսկ Լեո Մեսսին մնար: «Բարսելոնան» չկարողացավ գրանցել արգենտինացուն նաև ֆրանսիացու բարձր աշխատավարձի պատճառով:
Սիրարփի Աղաբաբյան
