215 միլիոն եվրո՝ Մբապեի համար
Մադրիդի «Ռեալը» շարունակում է ՊՍԺ-ի հարձակվող Կիլիան Մբապեին ձեռք բերելու փորձերը մինչև ամառային տրանսֆերային պատուհանի փակումը:
Մադրիդը 22-ամյա ֆրանսիացու համար նոր առաջարկ է պատրաստում, որի համար փարիզյան ակումբը պահանջում է 215 միլիոն եվրո, հայտնում է լրագրող Նիկոլո Շիրան:
Աղբյուրի համաձայն, Մբապեն արդեն համաձայնեցրել է պայմանագիրը «Ռեալի» հետ մինչև 2027 թվականը՝ 35 մլն եվրո աշխատավարձով մեկ մրցաշրջանում:
ՊՍԺ-ի սեփականատեր, Կատարի էմիր Թամիմ բին Համադ Ալ-Թանիի ընտանիքի անդամներից մեկի կարծիքով, Մբապեն կարող է վաճառվել 180 միլիոնով` պայմանով, որ «Ռեալը» գործարքում կներառի իր խաղացողներից մեկին:
Սիրարփի Աղաբաբյան
