Կապան-Գորիս ճանապարհը բացվել է
Կապան-Գորիս ճանապարհային հատվածը բացվել է: «Արմենպրես»-ի հետ զրույցում այս մասին ասաց Կապանի քաղաքապետ Գևորգ Փարսյանը:
«Ճանապարհը նոր է բացվել, շուտով երթևեկությունը կվերականգնվի»,- ասաց Փարսյանը:
Հիշեցնենք, որ ադրբեջանցի զինծառայողներն արդեն մի քանի օր է փակ էին պահում Կապան-Գորիս ճանապարհը։ Երթեւեկությունը գործում է Աղվանի-Տաթեւ այլընտրանքային ճանապարհով, որը թեև նորոգվում է, սակայն այս պահին դժվարանցանելի էր բեռնատարների համար։
