Ուրուգվայը պատրաստվում է Թուրքիայում դեսպանատուն բացել
Անկարայում կայացել է Թուրքիայի արտգործնախարար Մևլութ Չավուշօղլուի և Ուրուգվայի արտգործնախարար Ֆրանսիսկո Բուստիժոյի հանդիպումը։ Այնուհետև նախարարները մասնակցել են համատեղ մամուլի ասուլիսին: Ուրուգվայի արտգործնախարարը պաշտոնական այցով է գտնվում Թուրքիայում։ Այս մասին տեղեկացնում է ermenihaber.am-ը։
Չավուշօղլուն հայտնել է, որ քննարկվել են Թուրքիա-Ուրուգվայ հարաբերություններին առնչվող առանցքային հարցեր։ Նա տեղեկացրել է, որ հանդիպմանը Թուրքիայում Ուրուգվայի դեսպանատուն բացելու գրավոր դիմում է ստացել։ Ըստ Չավուշօղլուի՝ իրենք պատրաստվում են դեսպանատուն բացելու թույլտվությունը ստորագրել և հանձնել գործընկերոջը:
Հայտնի է դարձել, որ կողմերը Թուրքիա-Ուրուգվայ հարաբերությունների զարգացնելու նպատակադրմամբ երկու պայմանագիր են կնքել:
Հիշեցնենք, որ Ուրուգվայն աշխարհում առաջինն է ճանաչել Հայոց ցեղասպանությունն ու դատապարտել այն:
