Իրանի նախագահը նոր կառավարության առաջին նիստն է անցկացրել
Իրանի նախագահ Էբրահիմ Ռայիսին օգոստոսի 26-ին անցկացրել է երկրի նոր կառավարության առաջին նիստը: Նիստի ընթացքում հայտարարվել է Ժողովրդական կառավարության ղեկավարների հռչակագրի ընդունման մասին, որը պարտավորվում են ստորագրել նախարարների կաբինետի բոլոր անդամները:
Փաստաթուղթը բովանդակում է տասը կետ, որոնց պետք է հետեւի կառավարությունը: Դրանց թվում են կոռուպցիայի հակազդումը, օրենքի գերակայությունը եւ մարդկանց պահանջմունքները՝ որպես առաջնահերթություն իշխանությունների կողմից որոշումների ընդունման համար:
Օգոստոսի 25-ին Իանի Մեջլիսը (խորհրդարանը) վստահություն է հայտնել երկրի կառավարության նոր կազմին, որը ներկայացրել էր հանրապետության նախագահը: 19 հավակնորդներից միակ թեկնածուն, որը հավանություն չի ստացել Մեջլիսի կողմից, Հոսեյն Բագգոլին է, որն առաջադրվել էր կրթության նախարարի պաշտոնում, հաղորդել է ՏԱՍՍ-ը:
