Տանզանիայում անհայտ անձը կրակ է բացել Ֆրանսիայի դեսպանատան մոտ

Անհայտ անձը Տանզանիայի մայրաքաղաք Դար-էս-Սալամում կրակ է բացել Ֆրանսիայի դեսպանատան մոտակայքում:  Այս մասին հայտնում է Reuters-ը:

Ականատեսներից մեկի խոսքով՝ տղամարդը կրակել է ոստիկանների վրա, այնուհետև օդ է կրակել: Մոտակայքում գտնվող մարդիկ դիմել են փախուստի:

Իրավապահները հայտնել են, որ կարողացել են մեկուսացնել հարձակվող անձին, հստակեցվում են նրա ինքնությունն ու շարժառիթները: Կա տեսակետ, որ հարձակումը կարող է լինել վրեժ Մոզամբիկում ահաբեկիչների դեմ իրականացված գործողության համար: