Ադրբեջանցիները փակել են Շուռնուխով դեպի Կապան տանող ճանապարհի մի հատվածը
168.am-ի տեղեկություններով` մեկ ժամից ավելի է` ադրբեջանցիները փակել են Շուռնուխով անցնող և դեպի Կապան տանող ճանապարհը։ Հայկական պետհամարանիշներով ավտոմեքենաներից պահանջում են այլ ճանապարհ գտնել երթևեկության համար։
Մեզ ասացին` այս պահին ռուսները բանակցում են ճանապարհը բացելու համար։
168.am-ի հետ զրույցում Շուռնուխ համայնքի ղեկավար Հակոբ Արշակյանն անդրադառնալով այս տեղեկություններին՝ մասնավորապես հայտնեց. «Կոնկրետ գյուղի հատվածում նորմալ է:
Մենք էլ ենք լսել, որ Կարմրաքարի հատվածում ինչ-որ խնդիրներ են եղել, բայց դեռ հստակ տեղեկացված չեմ: Մենք գյուղում ենք, տղաներով արթուն ենք՝ հասկանանք՝ ինչ է կատարվում»:
