Որևէ մեկն իրավունք չունի արգելել ԱԺ–ում բողոքի ակցիայի անցկացումը. Արսեն Բաբայան
ԱԺ աշխատակազմի նախկին ղեկավարի տեղակալ Արսեն Բաբայանը գրում է. «Լրագրողներն ԱԺ օթյակում բողոքում են իրենց մասնագիտական իրավունքների ոտնահարման դեմ և այդ նպատակով են անցկացնում բողոքի ակցիան:
Որևէ մեկն իրավունք չունի արգելել նշված բողոքի ակցիայի անցկացումը, առավել ևս, որ ակցիայի շրջանակներում որևէ կերպ չի խոչընդոտվում ԱԺ բնականոն գործունեությունը:
Լրագրողներն օգտվում են թիվ մեկ որոշում ընդունողներին լսելի և տեսանելի լինելու իրենց ունեցած իրավունքից: Պաստառները, որ ընդամենը փոքր թղթերի վրա գրառումներ են, միջոց են լսված լինելու իրենց արդարացի պահանջն արտահայտելու համար»։
