Դոնի Ռոստով-Երևան չվերթի ինքնաթիռի ժամանումից հետո 35-ամյա տղամարդը բերման է ենթարկվել
Ոստիկանության Թումանյանի բաժնի ՔՀԲ ծառայողների ձեռնարկած օպերատիվ-հետախուզական միջոցառումների և բացատրական աշխատանքի արդյունքում օգոստոսի 21-ին Դոնի Ռոստով-Երևան չվերթի ինքնաթիռի ժամանումից հետո «Զվարթնոց» օդանավակայանում հայտնաբերվել և Թումանյանի բաժին բերման է ենթարկվել 35-ամյա Լևոն Խ.-ն, որը 2019 թ. նոյեմբերի 26-ից հետախուզվում էր ՀՀ քրեական օրենսգրքի 38-177-րդ հոդվածի (Գողությանը հանցակցելը) մեղադրանքով:
Խափանման միջոցը՝ ստորագրություն:
Լևոն Խ.-ն ներկայացվել է նախաքննական մարմնին:
