ՀՀ զինված ուժերի ստորաբաժանումները կմեկնեն Ռուսաստան և Իրան
![](https://168.am/wp-content/uploads/2021/08/large.jpg)
«Միջազգային բանակային խաղեր-2021» միջոցառման շրջանակներում կայանալիք «Էլբրուսյան օղակ», «Մարտավարական հրաձիգ», «Միջօրեական», «Վարպետ-զինագործ» մրցաշարերին, «Մշակույթի բանակ» ազգային մշակութային փառատոնին, ինչպես նաեւ բացման եւ փակման հանդիսավոր արարողություններին մասնակցելու նպատակով ս.թ. օգոստոսի 20-ից սեպտեմբերի 5-ը Ռուսաստանի Դաշնություն են մեկնել ՀՀ զինված ուժերի ստորաբաժանումները:
Ինչպես տեղեկացնում է Պաշտպանության լրատվական ծառայությունը, «Վարպետ-զինագործ» մրցմանը դիտորդի կարգավիճակով մասնակցելու համար ՀՀ ԶՈՒ ներկայացուցիչները ս.թ. օգոստոսի 30-ին կմեկնեն Իրանի Իսլամական Հանրապետություն: