ԱԱ․ Հայաստանը նվաճեց ևս 3 մեդալ
Ուֆայում անցկացվող հունահռոմեական ըմբշամարտի աշխարհի երիտասարդական առաջնությունում Հայաստանի թիմը նվաճեց ևս երեք մեդալ։
82 կգ քաշային Կարեն Խաչատրյանը եւ 67 կգ քաշային Սահակ Հովհաննիսյանը դարձան արծաթե մեդալակիրներ։
72 կգ քաշային Շանթ Խաչատրյանը հաղթեց ադրբեջանցի Հասանլիին և նվաճեց աշխարհի առաջնության բրոնզե մեդալը։
Ավելի վաղ, ազատ ոճի ըմբշամարտի աշխարհի երիտասարդական առաջնությունում փոխչեմպիոն էր դարձել 125 կգ քաշային Լյովա Գևորգյանը, բրոնզե մեդալակիր՝ Մանվել Խնձրցյանը (57 կգ)։
