Թուրքիայում հեղեղումների հետևանքով զոհերի թիվը հասել է 79-ի
Թուրքիայում սևծովյան առափնյա նահանգներում գրանցված հեղեղումների հետևանքով զոհերի թիվը հասել է 79-ի: Այս մասին հայտնում է թուրքական «Անադոլու» լրատվական գործակալությունը:
Թուրքիայի Աղետների և արտակարգ իրավիճակների կառավարման վարչության (AFAD) փոխանցմամբ՝ Կաստամոնու նահանգից զոհվել է 69 մարդ, Սինոպի նահանգից՝ 9 մարդ, իսկ Բարթինի նահանգից՝ մեկ մարդ:
Օգոստոսի 11 -ին Թուրքիայի հյուսիսում տեղացած հորդառատ անձրեւները առաջացրել են սելավներ, սողանքներ և ջրհեղեղներ:
