Ավտովթարիի հետևանքով 5 անձ տեղափոխվել է հիվանդանոց․ վարորդը դեպքի վայրից դիմել է փախուստի
Օգոստոսի 18-ին, ժամը 17.30-ի սահմաններում, Երևան-Արմավիր ճանապարհի 37-րդ կմ-ին իրար են բախվել «ՎԱԶ-21043» և «Մերսեդես» մակնիշի ավտոմեքենաներ. «ՎԱԶ-21043»-ի 55-ամյա վարորդը և չորս ուղևորները մարմնական վնասվածքներով տեղափոխվել են հիվանդանոց: «Մերսեդեսի» վարորդը դեպքի վայրից դիմել է փախուստի:
Ոստիկանության Մեծամորի բաժնի և ՃՈ 2-րդ սպայական գումարտակի 1-ին սպայական վաշտի ծառայողների ձեռնարկած միջոցառումների արդյունքում պարզվել է «Մերսեդեսի» վարորդի ինքնությունը:
Ձեռնարկվում են միջոցառումներ՝ վարորդին և «Մերսեդեսը» հայտնաբերելու ուղղությամբ:
Կատարվում է քննություն։
