Ջերարդը` «Ալաշկերտի» դեմ խաղի մասին
Շոտլանդական «Ռենջերսի» գլխավոր մարզիչ Ստիվեն Ջերարդն անդրադարձել է Հայաստանի չեմպիոն «Ալաշկերտի» հետ առաջիկա խաղին:
«Մրցելու ենք ուժեղ թիմի հետ և չենք մտածում այլ խաղերի մասին: Մինչ պատասխան հանդիպումը պետք է փորձենք դրական արդյունքի հասնել»,- «Ալաշկերտի» դեմ խաղից առաջ կայացած նախախաղային մամուլի ասուլիսի ժամանակ ասել է Ջերարդը:
Հայկական ակումբային ֆուտբոլի պատմության մեջ առաջին անգամ է, որ Հայաստանը ներկայացնող ակումբը հանդես կգա Եվրոպայի լիգայի փլեյ-օֆֆում: Հայաստանի չեմպիոն «Ալաշկերտը» Եվրոպայի լիգայի փլեյ-օֆֆի առաջին խաղում կմրցի շոտլանդական Գլազգո քաղաքի «Ռենջերս» թիմի հետ: Թիմերի առաջին հանդիպումը կկայանա օգոստոսի 19-ին, իսկ պատասխան խաղը` օգոստոսի 26-ին Երևանում: Եթե անգամ «Ալաշկերտը» պարտվի այս խաղում, թիմն արդեն իսկ իրավունք է նվաճել մասնակցելու Կոնֆերենցիաների լիգայի խմբային փուլին:
