Աֆղանստանին նվիրված G7-ի վիրտուալ գագաթնաժողովը կանցկացնեն Բայդենը և Ջոնսոնը
ԱՄՆ-ի նախագահ Ջո Բայդենը եւ Մեծ Բրիտանիայի վարչապետ Բորիս Ջոնսոնը պայմանավորվել են G7-ի վիրտուալ գագաթնաժողով անցկացնել Աֆղանստանում ստեղծված իրադրության համատեղ մոտեցումը քննարկելու համար: Այդ մասին հաղորդել է Սպիտակ տունը:
Ինչպես ասվում է հաղորդագրության մեջ, որը տարածվել է Սպիտակ տան մամուլի ծառայության կողմից, Բայդենը եւ Ջոնսոնը քննարկել են Աֆղանստանում ստեղծված իրադրությունը:
«Նրանք պայմանավորվել են G7-ի ղեկավարների վիրտուալ հանդիպումն անցկացնել հաջորդ շաբաթ՝ ընդհանուր ռազմավարությունը եւ մոտեցումը քննարկելու համար»,-ասվում է հաղորդագրության մեջ:
Բայդենը եւ Ջոնսոնը քննարկել են ապագայում Աֆղանստանի նկատմամբ դաշնակիցների միջեւ սերտ համակարգումը շարունակելու անհրաժեշտությունը, այդ թվում՝ փախստականներին եւ խոցելի աֆղանցիներին օգնություն տրամադրելու հնարավորությունը, հաղորդել է ՌԻԱ Նովոստին:
