Արցախում հաստատվել են կորոնավիրուսային հիվանդության ևս 6 նոր դեպքեր

Արցախում օգոստոսի 18-ի ժամը 11։00-ի դրությամբ հաստատվել են կորոնավիրուսային հիվանդության 6 նոր դեպքեր: Այս մասին հայտնում են Արցախի առողջապահության նախարարությունից։

Մեկ օրում կատարվել է 64 թեստավորում։ Հաստատվել է կորոնավիրուսային հիվանդության ընդհանուր 2 991 դեպք։ 2021 թվականի սկզբից կորոնավիրուսի լաբորատոր հայտնաբերման նպատակով իրականացվել է 10 946 քաղաքացու հետազոտություն, որոնցից 1 008-ի մոտ արձանագրվել է թեստի դրական պատասխան։

Կորոնավիրուսային հիվանդությունից այս պահին Արցախում ստացիոնար բուժում է ստանում 25 վարակակիր, իսկ թեթև hիվանդները ամբուլատոր եղանակով բուժվում են տնային պայմաններում: