Թուրքիայի արտգործնախարարը հայտնել է Աֆղանստանի հարցով բոլոր կողմերի հետ երկխոսություն վարելու մասին
Թուրքայի արտգործնախարար Մևլութ Չավուշօղլուն նշել է, որ Թուրքիան Աֆղանստանում տեղի ունեցող իրադարձությունների շուրջ երկխոսություն է վարում բոլոր կողմերի հետ։ Այս մասին հայտնում է թուրքական «Անադոլու» լրատվական գործակալությունը։
«Անկարան շարունակում է նպաստել Աֆղանստանի տնտեսական զարգացմանը, կայունությանը և խաղաղությանը»,- հայտարարել է Չավուշօղլուն Հորդանանի արտգործնախարար Այման Սաֆադիի հետ անցկացված համատեղ մամուլի ասուլիսի ընթացքում։
Չավուշօղլուի խոսքով՝ Թուրքիան այս հարցում սերտորեն համագործակցում է նաև ԱՄՆ-ի հետ։
«Երկրում իշխանությունը փաստացի գտնվում է թալիբների ձեռքում: Աբդուլլահ Աբդուլան և Համիդ Քարզայը դեռևս գտնվում են Քաբուլում և նախապատրաստվում են թալիբների հետ երկխոսությանը»,- նշել է թուրք նախարարը:
Չավուշօղլուն իր խոսքում միաժամանակ բարձր է գնահատել Կատարի ներդրումը միջաֆղանական երկխոսության մեջ:
Թուրք նախարարը նաև ափսոսանք է հայտնել Քաբուլի միջազգային օդանավակայանի շուրջ ստեղծված իրավիճակի համար՝ նշելով, որ Անկարան կշարունակի աջակցել Աֆղանստանի մայրաքաղաքից տարբեր երկրներ քաղաքացիների տարհանման գործին։
