Անհայտ անձինք հրդեհել են Իտալիայի նախագահի ամառային նստավայրի տարածքում
Անհայտ անձինք հրդեհել են Կաստելպորցիանոյի (Հռոմից ոչ հեռու) արգելոցի տարածքում, որտեղ գտնվում է Իտալիայի պետության ղեկավար Սերջո Մատարելայի քաղաքամերձ ամառային նստավայրը: Այս մասին հայտնել է ANSA գործակալությունը:
Գործակալության տվյալներով՝ չարագործների գործողությունների հետեւանքով, որոնք ցանկապատի վրայով հրկիզված առարկաներ են նետել, սկսել են այրվել որոշ թփեր եւ ծառեր:
Նշվում է, որ բռնկումը նկատած մարդիկ նախազգուշացրել են հրշեջներին, որոնք արագորեն մարել են կրակը: la Repubblica թերթի տվյալներով՝ այրվել է շուրջ 20 քառակուսի մետր:
Մատարելան դատապարտել է հանցավոր գործողությունները եւ շնորհակալություն է հայտնել աչալուրջ քաղաքացիներին եւ հրշեջ բրիգադներին, հաղորդել է ՏԱՍՍ-ը:
