ՀԱՊԿ-ը միջոցներ կձեռնարկի տաջիկա-աֆղանական սահմանին իրավիճակի սրման դեպքում․ Զաս
ՀԱՊԿ գլխավոր քարտուղար Ստանիսլավ Զասը լրագրողների հետ զրույցում ասել է, որ ՀԱՊԿ-ը հետևում է Աֆղանստանում իրավիճակի զարգացմանը և իրավիճակի սրման ու Տաջիկստանի անվտանգությանը սպառնալիքի դեպքում կձեռնարկի բոլոր անհրաժեշտ կոլեկտիվ միջոցները։ ՏԱՍՍ-ի փոխանցմամբ՝ նա հեռախոսազրույցներ է ունեցել Տաջիկստանի պաշտպանության նախարարի ու Անվտանգության խորհրդի քարտուղարի հետ։
Զասն ասել է, որ ներկայումս Տաջիկստանի ուժային կառույցները լիովին վերահսկում են իրադրությունը սահմանին և ՀԱՊԿ մեխանիզմների գործարկման անհրաժեշտություն չկա։
