Համացանցում տարածվել է Աֆղանստանի նախագահի՝ երկիրը լքելու տեսանյութը
Իրանական Tasnim գործակալությունը հրապարակել է Աֆղանստանի նախագահ Աշրաֆ Ղանիի՝ երկրից հեռանալու տեսանյութը, գրում է «ՌԻԱ Նովոստի»-ն:
Տեսանյութում երևում է, թե ինչպես է պետության ղեկավարը բարձրանում սանդուղքով, ձեռքը թափահարում և մտնում Kam Air-ի ինքնաթիռ:
«Թալիբան» արմատական շարժումը Աֆղանստանի գործող նախագահ Աշրաֆ Ղանիին առաջարկել է խաղաղ ճանապարհով փոխանցել իշխանությունը, սակայն նա փախել է երկրից:
«Մենք նախագահ Ղանիին առաջարկեցինք խաղաղ ճանապարհով փոխանցել իշխանությունը՝ անվտանգության վակուումից խուսափելու համար, սակայն նա փախավ»,- հեռուստաալիքը մեջբերում է «Թալիբան» շարժման ներկայացուցչի խոսքերը:
