Հանուն Մբապեի, «Ռեալը» ցանկանում է վաճառել հնարավորինս շատ ֆուտբոլիստների
Մադրիդի «Ռեալն» ամեն ինչ կանի այս ամառ ՊՍԺ-ի հարձակվող Կիլիան Մբապպեին գնելու համար:
Մադրիդյան ակումբը մտադիր է վաճառել հնարավորինս շատ խաղացողների, որպեսզի միջոցները ուղղի Կիլիանի գնմանը:
«Ռեալը» կցանկանար բաժանվել Գարեթ Բեյլից և Իսկոյից, ովքեր ունեն շատ բարձր աշխատավարձ: Հավանական է, որ ակումբը լքեն Մարտին Էդեգորդն ու Լուկա Յովիչը:
«Մինչև օգոստոսի 31-ի վերջին րոպեն պարզ չի լինի, թե ով է հեռանում և ով է գալիս: Գլխավոր նպատակը Մբապեի հետ պայմանագիր կնքելն է: Դա անելու համար հարկավոր է ազատվել Բեյլից, Իսկոյից եւ մյուսներից:
Մինչ այդ պահը անհնար է ասել, թե ով կմնա «Ռեալում»,-ակումբում տիրող իրավիճակին ծանոթ աղբյուրի խոսքերն են մեջբերում իսպանական լրատվամիջոցները:
Սիրարփի Աղաբաբյան
