Ալժիրում անտառային հրդեհները 65 մարդու կյանք են խլել. երկրում սուգ է հայտարարված
Ալժիրի հյուսիսում անտառային հրդեհների հետևանքով մահացել է առնվազն 65 մարդ: Դրանց շարքում 28-ը զինվորականներ են, ովքեր եկել էին օգնելու հրշեջներին պայքարելու տարերային աղետի դեմ: Նախագահ Աբդելմաջիդ Թեբունը երկրում եռօրյա սուգ է հայտարարել: Այս մասին հայտնում է BBC-ն:
Մասնագետները նշում են, որ հրդեհները, որոնք լայն տարածում են ստանում բարձր ջերմաստիճանի ու քամիների հետևանքով, վատագույնն են երկրի պատմության ընթացքում:
Միտումնավոր հրդեհներ առաջացնելու կասկածանքով մի քանի մարդ ձերբակալված է:
