«Նախ սովորեք ռեգիստրի տվյալներից օգտվելը, աղջիկներ և տղաներ, նոր փորձեք «քյանդրբազություն» անել ԱԺ-ում»․ Ռոբերտ Հայրապետյանը՝ ՔՊ–ականներին
Ռոբերտ Հայրապետյանը ֆեյսբուքյան իր էջում գրում է․ «Սյունեցի սրամիտ մի պատգամավոր, իրականացնելով «օպերատիվ-հետախուզական» գործողություններ, հանկարծ ՀՀ ԱՆ ռեգիստրի գործակալության կայքից գտել է ԶՊՄԿ վերաբերյալ հասանելի տվյալներ և որոշել հարց տալ դրա մասին Վահե Հակոբյանին, փորձելով մանիպուլացնել հասարակությանը:
Նախ սովորեք ռեգիստրի տվյալներից օգտվելը, աղջիկներ և տղաներ, նոր փորձեք «քյանդրբազություն» անել ԱԺ-ում:
«ԻՐԱՎԱԲԱՆԱԿԱՆ ԱՆՁԱՆՑ ՊԵՏԱԿԱՆ ԳՐԱՆՑՄԱՆ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԻ համաձայն, ռեգիստրի կայքում զետեղվում են նաև իրավաբանական անձի կառավարման մարմնի ներկայացուցիչների տվյալները, որպիսին հանդիսացել է նաև Վահե Հակոբյանը:
Ներքևում հատուկ կարմիրով նշել եմ փոքրիկների համար:
Ի դեպ, ռեգիստրի տվյալներից օգտվելու ուղեցույց կա, գոնե դա կարդացեք»։
