Արմեն Աբազյանը` Անվտանգության խորհրդի քարտուղա՞ր
168.am-ի՝ ԱԱԾ-ի աղբյուրների փոխանցմամբ, համակարգում ակտիվորեն լուրեր են շրջանառվում, որ Ազգային անվտանգության ծառայության տնօրեն Արմեն Աբազյանը շուտով պաշտոնի փոփոխություն կունենա։
Մեր տեղեկությունների համաձայն` նա, հավանաբար, կնշանակվի Անվտանգության խորհրդի քարտուղարի պաշտոնում, որը թափուր է Արմեն Գրիգորյանի` ԱԳՆ տեղափոխվելուց հետո։
Աբազյանին, ըստ ԱԱԾ մեր աղբյուրների, կփոխարինի նրա տեղակալ Անդրանիկ Սիմոնյանը։
Հիշեցնենք, որ վերջինս նախկին դատավոր էր, և ամիսներ առաջ է նշանակվել ԱԱԾ տնօրենի տեղակալի պաշտոնում։
Անդրանիկ Սիմոնյանն էր այն միակ անձը, ով ցուցմունք տվեց ԲԴԽ նախագահ Ռուբեն Վարդազարյանի դեմ, ինչը առիթ հանդիսացավ նրա դեմ սկսված հետագա քրեաիրավական գործընթացների համար։
