iPhone 13-ը դժվար գտվող ապրանք կլինի

Նախորդ տարվա iPhone 12 շարքի և iPhone 13 մոդելների նոր խմբաքանակ գնելը սովորականից դժվար կլինի: Հնարավոր է, որ նրանց հետ պատմությունը նմանվի Sony PlayStation 5-ի ընթացիկ դեֆիցիտին:

Apple-ն այժմ իր գագաթնակետին է՝ անցյալ տարի iPhone 12-ի  թողարկումով, որը կհիշվի 2017-ից ի վեր iPhone-ի դիզայնի առաջին նշանակալի վերափոխմամբ: Այսպիսով, ըստ Apple-ի գործադիր տնօրեն Թիմ Քուքի, սմարթֆոնների վաճառքից եկամուտը 2021 թվականի երրորդ եռամսյակի համար աճել է գրեթե 50%-ով՝ 26,41 միլիարդ դոլարից հասնելով 39,57 միլիարդ դոլարի:

IPhone-ների պահանջարկը գերազանցել է Apple-ի սեփական կանխատեսումները: Նոր գաջեթներ արտադրելու համար անհրաժեշտ են տարբեր չիպեր, որոնք այժմ աշխարհում դեֆիցիտ են: Ընկերությունն արդեն ասել է, որ բաղադրիչների պակասը հարվածել է Mac-ի և iPad-ի վաճառքին, իսկ iPhone-ի վաճառքները հաջորդն են:

Ըստ Քուքի,  Apple-ը ոչ թե կարիք ունի հզոր պրոցեսորների, որոնք ընկերությունը պատրաստում է իր սարքերի համար, այլ, այսպես կոչված, «ժառանգական հանգույցներ» կամ չիպեր, որոնք կատարում են ամենօրյա գործառույթներ, ինչպիսիք են ցուցադրման գործառույթը կամ ձայնի վերծանումը: Նրանց սակավությունն ազդում է սմարթֆոնների արտադրության վրա:

IPhone-ի շոշափելի դեֆիցիտը, ըստ Apple-ի գործադիր տնօրենի կանխատեսման, կգա 2021 թվականի վերջին և, ի թիվս այլ բաների, կազդի iPhone 13-ի նոր շարքի վրա, որի առաջին խմբաքանակը պետք է հայտնվի խանութներում սեպտեմբերին։

Միկրոչիպերի պահանջարկը, որն ապահովում է ամեն ինչ՝ էլեկտրական մեքենաներից մինչև խաղային կոնսուլներ, անցյալ տարվանից աճել է: Մատակարարները չեն հետևում պահանջարկին և չեն մատակարարում արտադրության համար բավարար բաղադրիչներ, ինչը հանգեցնում է պահանջարկի պակասի: Սա առավել նկատելի է PlayStation 5-ի վաճառքների մեջ՝ այն դեռ դժվար է գտնել խանութներում, քանի որ օգտվողներն անմիջապես գնում են նոր մոդելներ:

Ենթադրվում է, որ բաղադրիչների աճող պահանջարկը մասամբ ամբողջ աշխարհում կորոնավիրուսի դեմ պայքարի արդյունք է: Անվտանգության միջոցառումները հանգեցրել են արգելափակումների և երկարաժամկետ անջատումների` միկրոշրջաններ և էլեկտրոնիկայի այլ բաղադրիչներ արտադրող գործարաններում: Միևնույն ժամանակ, հեռահար աշխատանքի անցնելու շնորհիվ մարդիկ կարիք ունեն ավելի շատ ժամանակ անցկացնել գաջեթների հետ՝ սպառողների հետաքրքրությունը նոր սարքերի նկատմամբ աճել է:

Apple-ի iPhone-ի դեֆիցիտը, իհարկե, Apple-ին չի դատապարտի, բայց Քուքի խոստովանությունը ցույց է տալիս, որ նույնիսկ այնպիսի տեխնոլոգիական հսկա, ինչպիսին Apple-ն է, իր հսկայական մատակարարման շղթայով և գնողունակությամբ, կարող է խնդիրներ ունենալ պահանջարկը բավարարելու համար՝ անհրաժեշտ մասերի գլոբալ սակավության պայմաններում:

Սիրարփի Աղաբաբյան