Թուրքիայում անտառային հրդեհների զոհերի թիվը հասել է 7-ի
Թուրքիայում օրեր շարունակ չդադարող անտառային հրդեհների հետևանքով զոհերի թիվը հասել է 7-ի: Թուրքական աղբյուրների համաձայն՝ Անթալիա նահանգի Մանավգաթ շրջանի տներից մեկում ամուսինների մարմիններ են հայտնաբերվել:
Տարերային աղետի հետևանքները պատկերող լուսանկարներ են հրապարակել ադրբեջանական լրատվամիջոցները: Հրդեհաշիջման աշխատանքներին միացել են ադրբեջանցի փրկարարները: Նրանք ներկա պահին մասնակցում են Մրամարիս քաղաքում իրականացվող գործողություններին և հայտնում են, որ քաղաքը կրակների ճիրաններում է գտնվում:
Հիշեցնենք, որ արդեն մի քանի օր է, ինչ Թուրքիայում անտառային հրդեհներ են մոլեգնում: Կրակի տարածման հետևանքով մի շարք հյուրանոցներ են տարհանվել առողջարանային քաղաքներում, ինչպիսիք են Անթալիան, Մարմարիսը, Բոդրումը:
