Սրճեփ սարքերից գողություններ էին արել ու բռնվել
Հունիսի 14-ին, գիշերային շրջայցի ժամանակ, ոստիկանության Արմավիրի բաժնի ծառայողները տեղեկություններ ստացան, որ քաղաքում «Ֆոլքսվագեն Գոլֆ» մակնիշի մեքենայով երեք տղամարդ սրճեփ սարքերից գողություններ են անում: Տեղեկություններն իրացնելով` ոստիկանները ժամը 3.30-ի սահմաններում Արմավիր քաղաքի Հանրապետության փողոցում հայտնաբերեցին կասկածելի մեքենան և վարորդին ու երկու ուղևորներին, մեքենայով հանդերձ, բերման ենթարկեցին բաժին:
Պարզվեց` նրանք Արմավիրի Երևանյան փողոցի երեք սրճեփ սարքերից մետաղադրամներ էին գողացել:
Փաստի առթիվ ոստիկանության Արմավիրի բաժնի հետաքննության բաժանմունքում նախապատրաստվում են նյութեր:
Քննությունը շարունակվում է:
