Նյու Յորքը՝ քաղաքին սիրահարված լուսանկարչի աշխատանքներում
Լուսանկարիչ Լուկ Կորդասը Բրուքլինից ֆիքսել է Նյու Յորքի կյանքը. մեգապոլիս, որտեղ կյանքը ցերեկ ու գիշեր եռում է: Շարքը կոչվում է «Նյու Յորքի քրոնիկոնը»:
Լուկ Կորդասը փողոցային լուսանկարիչ է, նա այժմ ապրում և աշխատում է Նյու Յորքում: Կորդասը Եվրոպայից Նյու Յորք է տեղափոխվել 2014-ին՝ ավելի քան տասը տարվա ճանապարհորդությունից հետո:
Լուսանկարչին ոգեշնչում են Մանհեթենի փողոցների մարդիկ. այստեղ կարելի է տեսնել հասարակության բոլոր շերտերը: Նյու Յորքն ինքնատիպ Բաբելոնյան աշտարակ է, իսկական տոն՝ փողոցային լուսանկարչի համար:
Շարքի ստեղծմանը Լուկը գիտակցաբար է մոտեցել: Չնայած քաղաքում շատ մարդիկ կան, բայց այստեղ շատ հեշտ է միայնակ մնալ: Սրա պատճառը ոչ միայն այն է, որ շատ մարդիկ նորեկներ են, ովքեր այստեղ ընտանիք կամ ընկերներ չունեն, բացի այդ, դա նաև պայմանավորված է այն տեխնոլոգիաների մշակմամբ, որոնք աստիճանաբար տիրում են մեր կյանքին և մեզ օտարացնում միմյանցից:
Պատրաստեց Անի Գաբուզյանը
