10 ֆիլմ ճապոնական կինոյի հետ ծանոթանալու համար

Կուրոսավայի և Կիտանոյի ֆիլմերը հենց այնպես չեն դարձել ճապոնական կինոյի դասականներ: Այնտեղ կա և հին ժամանակների կարոտախտ, և մշակութային արժեքներ, և մշտական պայքար: Ներկայացնում ենք լեգենդար ճապոնական ֆիլմեր, որոնք արժանի են հատուկ ուշադրության:

1. Տոկիյոի վիպակ/ Токийская повесть (1953)

Ռեժիսոր՝ Յասուձիրո Օձու

Ֆիլմը դասվում է կինեմատոգրաֆի պատմության երեք լավագույն ֆիլմերի շարքում: Ֆիլմը ներծծված է արևելյան փիլիսոփայությամբ, որը երկարատև մտորումների առիթ է տալիս:

2. Կույր հրեշ/ Слепое чудовище (1969)

Ռեժիսոր՝ Յասուձո Մասումուրա

Հորոր ժանրի ճապոնական այս ֆիլմը սկիզբ է դրել ամերիկյան և եվրոպական կինեմատոգրաֆի բազմաթիվ հոգեբանական դրամաների համար: Փակ տարածությանօգնությամբ, որտեղ տեղի են ունենում դեպքերը, ռեժիսորն ազդում է հանդիսատեսի վրա՝ ստիպելով վախենալ յուրաքանչյուր ձայնից:

3. Ռասյոմոն/ Расёмон (1950)

Ռեժիսոր՝ Ակիրա Կուրոսավա

Այս ֆիլմով Ակիրա Կուրոսավան սկիզբ դրեց դասական սյուժեին, որի վրա մինչ օրս պահպանվում են բոլոր հոլիվուդյան ֆիլմերի պատմությունները: Դետեկտիվ ֆիլմը ցուցադրում է մարդու բոլոր արատները:

4. 7 սամուրայ/ Семь Самураев (1954)

Ռեժիսոր՝ Ակիրա Կուրոսավա

Եթե Դուք չեք տեսել Կուրոսավայի լեգենդար ֆիլմը, ապա հաստատ լսել եք դրա մասին, կամ էլ դիտել եք բազմաթիվ ռիմեյքներից մեկը: Ֆիլմն արիության, տղամարդկության մասին է, որը հնարավոր չէ կոտրել նույնիսկ մահվան սպառնալիքով:

5. Կիկուջիրո/ Кикуджиро (1999)

Ռեժիսոր՝ Տակեշի Կիտանո

Տակեշի Կիտանոյի համար ամենից ոչ բնորոշ աշխատանքներից մեկը: Ռեժիսորը, ում ֆիլմերը յակուձաների մասին դարձել են պատմական ձեռքբերումներ, «Կիկուջիրոյում» ցուցադրել է մոլեխաղերի սիրահարի կյանքը:

6. Ավազուտների կինը/ Женщина в песках (1963)

Ռեժիսոր՝ Հիրոշի Տեշիգահարա

Հիրոշի Տեշիգահարայի այս ֆիլմը արժանացել է Կաննի փառատոնի մրցանակի: Փիլիսոփայական կինոն՝ կաֆկայական թրիլլերի ոգով, պատմում է մի միջատաբանի մասին, ով մնում է գիշերելու մի տարօրինակ կնոջ մոտ, որն ապրում է ավազուտե փոսի մեջ:

7. Զգացմունքների կայսրություն/ Империя чувств (1976)

Ռեժիսոր՝ Նագիսա Օշիմա

Նագիսա Օշիմայի ֆիլմը լի է դաժանությամբ, բաց տեսարաններով և արգելված է շատ երկրներում: Ժամանակի ընթացքում ֆիլմը ձեռք բերեց կուլտայինի ստատուս, իսկ հեղինակն արժանացավ Կաննի կինոփառատոնի մրցանակի՝ լավագույն ռեժիսորական աշխատանքի համար:

8. Թագավորական մարտ/ Королевская битва (2000)

Ռեժիսոր՝ Կինձի Ֆուկասակա

Հենց այս ֆիլմում է ոգեշնչում գտել Քվենթին Տարանտինոն իր գլուխգործոցների համար: Ռեժիսորը նկարահանել է ֆանտաստիկ մարտաֆիլմ, որտեղ պատմում է ոչ վաղ անցյալի մի պատմություն: Ֆիլմում արծարծվում է հավերժական հարցը. կարո՞ղ է արդյոք սերը լինել ավելի ուժեղ, քան մահվան նկատմամբ վախը:

9. Յակուձայի եղբայրը/ Брат Якудзы (2000)

Ռեժիսոր՝ Տակեշի Կիտանու

Դասական կինո Տակեշի Կիտանոյից՝ կրիմինալ դրամայի ոգով, ներկայացնող Յակուձայի խիստ օրենքները, որը գլխավոր հերոսին կհասցնի կամ փառքի, կամ մահվան:

10. Ակիրա Կուրոսավայի երազները/ Сны Акиры Куросавы (1990)

Ռեժիսոր՝ Ակիրա Կուրոսավա

8 ֆիլմ՝ պատմող մարդու կյանքի մասին՝ սկսած մանկությունից մինչև ծերություն: Այստեղ կախարդանքը միահյուսվում է կինոյի կախարդանքի հետ: Այս ֆիլմը դարձավ Ակիրա Կուրոսավայի վերջին ֆիլմերից մեկը:

Պատրաստեց Անի Գաբուզյանը