Ռուսաստանում փոխվելու են արտասահմանյան անձնագրեր տրամադրելու կանոնները
Ռուսաստանի քաղաքացիներին արտասահմանյան անձնագրեր տրամադրելու կանոնները փոխվելու են: Նոր կանոնները վերաբերելու են արտերկրում բնակվող քաղաքացիներին, ինչպես նաեւ փաստաթղթերը կորցնելու դեպքերին եւ ուժի մեջ են մտնելու մայիսի 30-ից: Այս մասին հայտնել է «Պառլամենտսկայա գազետա»-ն:
Ըստ թերթի՝ Ռուսաստանի սահմաններից դուրս բնակվող ռուսները փաստաթուղթը կկարողանան ձեռք բերել միայն Ռուսաստանի Դաշնություն մեկնելուց հետո: Փաստաթղթի տրամադրման ժամկետները չեն փոխվել. գրանցման վայրում այն կտրամադրվի դիմումի օրվանից մեկ ամսվա ընթացքում, իսկ գտնվելու վայրում` երեք ամսվա ընթացքում:
Բացի այդ, Ռուսաստանի ՆԳՆ հրամանի համաձայն, այժմ հնարավոր կլինի չվճարել կորցրած կամ վնասված անձնագրի պետական տուրքը միայն այն դեպքում, եթե քաղաքացին արտակարգ իրավիճակում է հայտնվել: Մնացածը ստիպված կլինեն վճարել երկու հազար ռուբլի հին նմուշի անձնագրի վերականգնման համար եւ հինգ հազար ռուբլի` նոր նմուշի փաստաթղթի համար:
