«Իրավիճակը հանգիստ է, որևէ կրակոց չի հնչել». Բաղանիսի գյուղապետ
Տավուշի մարզի սահմանապահ Բաղանիս գյուղում իրավիճակը հանգիստ է, որևէ կրակոց չի հնչել։ Այս մասին 168.am-ի հետ զրույցում ասաց Բաղանիսի գյուղապետ Նարեկ Սահակյանը։
«Միանգամից ասեմ, որ ապատեղեկատվություն է, լուրերը, թե Բերդի տարածաշրջանում կրակոցներ են հնչել՝ ապատեղեկատվություն է։ Բաղանիսում էլ իրավիճակը հանգիստ է, որևէ կրակոց չի հնչել»,- նշեց Բաղանիսի գյուղապետը։
Հիշեցնենք, որ այսօր առավոտյան թշնամու կողմից հայ-ադբեջանական սահմանի Գեղաքունիքի մարզի հատվածում 6 հայ պայմանագրային զինծառայող է գերեվարվել։
Նաև՝ լուրեր տարածվեցին, որ թշնամին կրակոցներ է արձակել նաև Տավուշի մարզի ուղղությամբ, մասնավորապես՝ կրակել է սահմանապահ գյուղերի ուղղությամբ։
