«Վարչապետի պաշտոնը թյուրիմացաբար զբաղեցնողն արտահերթ ընտրությունների գնաց արտաքին դերակատարների ճնշման ներքո»․ Գրիգոր Մուրադյան

«Պրեսսինգ» հաղորդաշարում Սաթիկ Սեյրանյանի հյուրը ՀՀ Արդարադատության նախարարի նախկին առաջին տեղակալ, ՍԴ նախագահի նախկին խորհրդական Գրիգոր Մուրադյանն է:

Գրիգոր Մուրադյանը համոզված է.

• Վարչապետի պաշտոնը թյուրիմացաբար զբաղեցնողն արտահերթ ընտրությունների գնաց արտաքին դերակատարների ճնշման ներքո:

• Արտահերթ խորհրդարանական այս ընտրությունները վճռորոշ են, կանխորոշելու են Հայաստանի գոյությունը՝ որպես կայացած պետություն:

• Այս ընտրությունները Հայաստանի հետագա ճակատագրի կերտման առանցքային արարն է լինելու:

• Ընտրություններին չմասնակցելն էապես մեծացնում է իշխանությունների կողմից ընտրակեղծարարության հնարավորությունը. դա ձեռնտու է ցանկացած իշխանության:

• Արտահերթ ընտրությունների նախապատրաստական փուլում Փաշինյանի կողմից ընտրակարգի փոփոխությունն արդեն կասկածի տակ է դնում ընտրությունների լեգիտիմությունը:

• Եթե ժողովուրդն իր վրա վերցնի մեղքը, ապա պետք է պատասխանատվություն վերցնի նաև այս երեք տարիների ընթացքում երկրում կատարվածի համար:

• Այս իշխանությունները Հայաստանը վերածում են վարունգային պետության:

• Այսօր իրավապահ համակարգը ծաղրանկարային իշխանության ծաղրանկարն է, ուստի ծիծաղելի է նրանց վրա հույս դնելը:

• Իրական ընդդիմության թուլացման գործոն կարող են լինել մանր կուսակցությունները: Նրանց նպատակն իրական ընդդիմության ձայները փախցնելն ու փոշիացնելն է:

• Երբ ձևավորվեն նախընտրական հիմնադրամները, Կենտրոնական ընտրական հանձնաժողովը (ԿԸՀ) պետք է լուրջ վերահսկի, թե ինչպես են դրանք ձևավորվել:

• Այս ընտրություններին չգնալն անուղղակիորեն արտոնում է ընտրակեղծարարությանը: