«Այլևս պետք է բացառել, որ նոյեմբերի 9-ից և հունվարի 11-ից հետո այդ ազգադավ սրիկայի ստորագրությունը դրվի որևէ փաստաթղթի տակ»․ Էդգար Ղազարյան
ՍԴ աշխատակազմի նախկին ղեկավար Էդգար Ղազարյանը ֆեյսբուքյան իր էջում գրում է․ «Ստորագրության նախապատրաստվող նոր հայտարարության մեծ վտանգներից մեկն այն է, որ այն ամրագրելու է պաշտոնապես Հայաստանի և Ադրբեջանի միջև սահմանները, որի հետևանքով Հայաստանը կվավերացնի Արցախի Ադրբեջանի կազմում լինելու փաստը։ Դա այլևս փակելու է Արցախի կարգավիճակի վերաբերյալ որևէ բանակցային հնարավորությունը։ Դա այն է, ինչի մասին հետպատերազմյան շրջանում անդադար խոսում է Ալիևը:
Այլևս պետք է բացառել, որ նոյեմբերի 9-ից և հունվարի 11-ից հետո այդ ազգադավ սրիկայի ստորագրությունը դրվի որևէ փաստաթղթի տակ։ Նա Հայաստանի օրինական ղեկավար չէ։ Նա ապօրինի է զավթել այդ պաշտոնը։ Րոպե առաջ նա պետք է վռնդվի վարչապետի պաշտոնից։
Սիրելի ժողովուրդ ոտքի կանգնեք: Հայաստանի և Արցախի բոլոր ժամանակների քաղաքական, ռազմական, հոգևոր առաջնորդներ, գիտնականներ, գործարարներ, բանվորներ, գյուղացիներ, ծառայողներ, ուսուցիչներ, ուսանողներ, միացեք իրար, կանգնեք իրար կողք, նույն վայրում, նույն օրը, նույն ժամին: Մենք պարտավոր ենք փրկել մեր երկիրն այն խեղկատակ պատուհասից։ Մի կողմ թողեք այդ ընտրություն կոչված ծաղրուծանակը, զբաղվեք լուրջ գործով։ Մեր այսօրվա ապրած ամեն րոպեն դարի արժեք ունի։ Ամեն րոպե հապաղելն այլևս կործանարար է»։
