«Որևէ փաստաթղթի մասին տեղեկություն չունեմ». Հրաչյա Հակոբյանը՝ Թաթուլ Հակոբյանի գրառման մասին
Լրագրող Թաթուլ Հակոբյանն այսօր ֆեյսբուքյան իր էջում գրել էր, որ նոր հակահայ փաստաթուղթ է շրջանառվում։
«Նիկոլը պետք է գիտակցի, որ Հայաստանն ավելի կարևոր է, քան ինքը: Եվ չդիմի արկածախնդիր քայլերի»,- գրել էր լրագրողը։
Այսօր խորհրդարանում լրագրողները «Իմ քայլը» խմբակցության պատգամավոր Հրաչյա Հակոբյանից հետաքրքրվել էին, թե ի՞նչ փաստաթղթի մասին է խոսքը, ինչին ի պատասխան՝ պատգամավորն ասել էր. «Չգիտեմ, որևէ փաստաթղթի մասին ես տեղեկություն չունեմ»։
