Պետերբուրգում փոթորիկը 161 ծառ է տապալել
Պետերբուրգի կոմունալ ծառայության աշխատողները շուրջ 150 հայտ են ստացել նախորդ օրը երեկոյան փոթորկից տապալված ծառերի վերաբերյալ: Այդ մասին մայիսի 19-ին հաղորդել է բարեկարգման գծով քաղաքային կոմիտեի մամուլի ծառայությունը։
Քամու պոռթկումները, որոնք հասնում էին վայրկյանում 20 մետր, 161 ծառ են տապալել քաղաքի անցանելի մասում եւ մայթերին: Ծառերի մեծ մասը՝ 114 հատ, ընկել է հյուսիսային մայրաքաղաքի Պրիմորսկի շրջանում, ասվում է հաղորդագրության մեջ: Ճանապարհներն արդեն մաքրվել են:
Ջուրը ողողել է Վիբորգի եւ Ուշակովի առափնյակների, Պրիմորսկի պողոտայի անցանելի մասերը եւ Ալեքսանդր Մատրոսովի փողոցները՝ Պավլովսկում: Մայիսի 18-ի երեկոյան Պետերբուրգում փոթորիկ է մոլեգնել: Տուժել է չորս մարդ: Տարածաշրջանի օդերեւութաբանները նման եղանակ են կանխատեսում նաեւ մայիսի 19-ին, հաղորդել է «Ինտերֆաքս»-ը:
