«Կկայացվեն շատ որոշումներ»․ Լապորտա
«Բարսելոնայի» նախագահ Ժոան Լապորտան հայտարարել է ակումբում առաջիկա փոփոխությունների մասին:
«Ես ասացի, որ կգնահատեմ իրավիճակը մրցաշրջանի վերջում՝ կախված արդյունքներից և ելույթներից: Մենք նվաճեցինք գավաթը, և մենք հպարտ ենք դրանով, բայց մեզ վաղաժամ հեռացրեցին Չեմպիոնների լիգայից, իսկ Լա Լիգայում մենք անհասկանալիորեն պարտվեցինք:
Հաջորդ շաբաթվանից կտեսնեք, որ պետք է շատ որոշումներ կայացվեն: Մենք կմեկնաբանենք դրանք: Մենք պետք է քրտնաջան աշխատենք, «Բարսան» պետք է ունենա մրցունակ թիմ ազգային մրցումներում և Չեմպիոնների լիգայում:
Սա ցիկլի ավարտն է: Ես սա ասում եմ, քանի որ անհրաժեշտ եմ համարում»,- ասել է Լապորտան:
Սիրարփի Աղաբաբյան
