Բելառուսում ռազմական ինքնաթիռ է կործանվել․ կան զոհեր
Ինքնաթիռի կործանման հետեւանքով երկու օդաչու է զոհվել Բելառուսում, Բարանովիչի քաղաքի մերձակայքում. այլ զոհեր ու ավերածություններ չկան: Այդ մասին մայիսի 19-ին հաղորդել է հանրապետության պաշտպանության նախարարության մամուլի ծառայությունը։
«Բարանովիչիի մերձակայքում աղետի է ենթարկվել գրոհիչ ավիաբազայի Յակ-130 ռազմական ինքնաթիռը… Ցավոք, երկու օդաչուները զոհվել են»,-ասվում է գերատեսչության Telegram-ալիքում զետեղված հաղորդագրության մեջ:
Նշվում է, որ այլ զոհեր չկան, ավերածություններ նույնպես չկան, հաղորդել է ՌԻԱ Նովոստին:
