Լավրովը և Բլինքենը կքննարկեն մերձավորարևելյան կարգավորումը. Ռյաբկով
Մերձավորարեւելյան կարգավորման թեման գլխավորներից մեկը կլինի ՌԴ ԱԳ նախարար Սերգեյ Լավրովի եւ ԱՄՆ-ի պետքարտուղար Էնթոնի Բլինքենի այսօրվա հանդիպման ժամանակ: Այդ մասին հայտարարել է ՌԴ ԱԳ փոխնախարար Սերգեյ Ռյաբկովը։
«Մենք շփվում ենք մերձավորարեւելյան կարգավորման գծով նրանց հատուկ ներկայացուցչի հետ: Դա տեղի է ունենում բավական ինտենսիվ կերպով: Բացի այդ, ընթանում են այլ մակարդակներով քննարկումներ: Ինքնին հասկանալի է, որ դա Բլինքենի հետ Լավրովի այսօրվա հանդիպման գլխավոր թեմաների թվում է: Հաջորդ շաբաթ այդ քննարկումները նույնպես կշարունակվեն, բայց առայժմ ես ոչինչ չունեմ ասելու այդ թեմայով»,-ասել է նա լրագրողներին, հաղորդել է ՌԻԱ Նովոստին:
