Գիշերն արմատականները Գազայից 50 հրթիռ են արձակել Իսրայելի տարածք
Պաղեստինցի արմատականները Գազայի հատվածից 12 ժամում՝ մայիսի 18-ի Երեւանի ժամանակով 20:00-ից մինչեւ մայիսի 19-ի 08:00-ն առնվազն 50 հրթիռ են արձակել Իսրայելի տարածք, 10-ը պայթել է հենց միջատարածքում՝ չանցնելով սահմանը: Այդ մասին հայտնել է բանակային մամուլի ծառայությունը:
«Ժամը 19:00-ից (Երեւանի ժամանակով 20:00-ից) մինչեւ 07:00-ն (Երեւանի ժամանակով 08:00-ն) արձանագրվել է հրթիռների 60 արձակում Գազայի հատվածից Իսրայելի տարածք: Շուրջ 10 հրթիռ ընկել է Գազայի հատվածում»,- ասված է բանակի հայտարարության մեջ:
Զինվորականների հաշվարկներով՝ մայիսի 10-ից, երբ սկսվել է արմատականների հրթիռային կրակի ճնշման՝ Իսրայելի գործողությունը, պաղեստինյան միջատարածքից արձակվել է ընդամենն առնվազն 3 750 հրթիռ, որոնցից 550-ն ընկել է հենց պաղեստինյան միջատարածքում, շուրջ 90 տոկոսը կալանվել է հակաօդային պաշտպանության «Երկաթե գմբեթ» համակարգով:
Գազայի հատվածի աղեստինյան արմատական խմբավորումները եւ իսրայելական բանակը հարվածներ են փոխանակում մայիսի 10-ից: Հրթիռակոծումները հետեւել են Արեւելյան Երուսաղեմում Ալ Աքսա մզկիթի մոտ անկարգությոններին, որոնք ծայր են առել Շեյխ Ջարահ թաղամասում արաբ ընտանիքներով բնակեցված տների բռնագրավման մասին իսրայալական դատարանի վճռի պատճառով:
Պաղեստինի առողջապահության նախարարության վերջին տվյալների համաձայն՝ զոհվածների թիվը հասել է 237-ի, դրանցից 217-ը՝ Գազայում, ներառյալ ավելի քան 60 երեխա եւ 36 կին: Իսրայելական կողմից զոհվել է առնվազն 12 մարդ, հաղորդել է ՏԱՍՍ-ը:
