«Նման բան չկա՝ Հաթերքում ամեն ինչ նորմալ է». Մարտակերտ վարչական շրջանի ղեկավար
Մայիսի 17-ին տելեգրամյան ալիքներից մեկը՝ «Artsakh inside»-ը գրել էր, որ թշնամին Արցախի ուղղությամբ փորձել է բարելավել իր դիրքերը, ինչին ի պատասխան, հայկական կողմը կրակահերթ է բացել թշնամու ուղղությամբ, որի հետևանքով ազերիները թողել են նաև նախկինում զբաղեցրած դիրքը։ Ըստ տելեգրամյան ալիքի՝ նրանք անգամ չեն վերցրել դիրքում տեղակայված 60 և 84 միլիմետրանոց նռնականետերը։
168.am-ի հետ զրույցում Մարտակերտ վարչական շրջանի ղեկավար Հայկ Բախշիյանն ասաց, որ նման բան չի եղել։
«Նման բան չկա՝ Հաթերքում ամեն ինչ նորմալ է»,- ասաց Հայկ Բախշիյանը։
Թե Սյունիքում և Գեղարքունիքում իրավիճակն ինչպես է ազդում Արցախում ընդհանուր իրավիճակի վրա, Հայկ Բախշիյանն ասաց, որ առանձնապես որևէ փոփոխություն չկա, ինչպես պատերազմից հետո էր, այնպես էլ այսօր է։
