Մեքսիկայի ներկայացուցչուհին նվաճել է «Միսս Տիեզերք» տիտղոսը
«Միսս Տիեզերք»-2021 գեղեցկության մրցույթի հաղթողը դարձել է Մեքսիկայի ներկայացուցչուհի Անդրեա Մեսան: Այդ մասին հաղորդել է Associated Press-ը։ Նշվում է, որ 26-ամյա Մեսան ուսումնասիրել է ծրագրավորում եւ պրոֆեսիոնալ դիմահարդար է, նա զբաղվում է սպորտի էքստրեմալ տեսակներով եւ մասնակցում է կանանց իրավունքների համար պայքարող կազմակերպությունների աշխատանքին:
Թագի համար պայքարի եզրափակիչ փուլում նա գերազանցել է Բրազիլիայի, Պերուի, Դոմինիկյան Հանրապետության եւ Հնդկաստանի ներկայացուցչուհիներին, հաղորդել է «Ինտերֆաքս»-ը:
