Գեղարքունիքի մարզում հայտնաբերվել և տարբեր կասկածանքներով բերման է ենթարկվել մի քանի անձ
Հանցագործությունների և իրավախախտումների նախականխման, կանխման ու բացահայտման նպատակով մայիսի 4-ից 7-ը ոստիկանության Գեղարքունիքի մարզային վարչության ու ենթակա ստորաբաժանումների ծառայողները Գեղարքունիքի մարզում կազմակերպել և իրականացրել են տարաբնույթ միջոցառումներ, որոնց ներգրավված էին ՃՈ Գեղարքունիքի մարզը սպասարկող ստորաբաժանման ծառայողները։
Միջոցառումների ընթացքում հայտնաբերվել և տարբեր կասկածանքներով բերման է ենթարկվել մի քանի անձ։ Կատարվել են անձնական խուզարկություններ, հայտնաբերվել է սառը զենք և այլն։
Հայտնաբերվել է նաև ճանապարհային երթևեկության կանոնների 88 խախտում, որոնց փաստերով կազմվել են արձանագրություններ։
