ԱՀԿ-ն հաստատել է կորոնավիրուսի դեմ վեցերորդ պատվաստանյութը
Առողջապահության համաշխարհային կազմակերպությունը թույլտվություն է տվել կորոնավիրուսի դեմ չինական Sinopharm պատվաստանյութի արտակարգ կիրառման համար, Ժնևում հայտնել է ԱՀԿ ղեկավար Թեդրոս Գեբրեյեսուսը:
Այսպիսով, այժմ սա Չինաստանում արտադրված առաջին պատվաստանյութն է, որը կարող են ձեռք բերել և տարածել ՄԱԿ-ի կազմակերպությունները: Ընդհանուր առմամբ, ԱՀԿ-ն այժմ SARS-CoV-2-ի դեմ 6 պատվաստանյութ է գրանցել, գրում է DW-ն:
