Թուրքիան խիստ է արձագանքել Արևմտյան ափում և Երուսաղեմում նոր բնակատեղիներ հիմնելու Իսրայելի որոշմանը
Թուրքիան մտահոգություն է հայտնել Իսրայելի կողմից Հորդանան գետի արևմտյան ափի տարածքում և Երուսաղեմում բնակավայրերի թվի ավելացման կապակցությամբ: Այս մասին հայտարարություն է տարածել Թուրքիայի արտգործնախարարությունը: Այս մասին տեղեկացնում է ermenihaber.am-ը։
«Չնայած միջազգային հանրության բոլոր կոչերին՝ Իսրայելը շարունակում է ընդլայնել Արևմտյան ափում և Երուսաղեմում ապօրինի բնակավայրերի կառուցումը: Բացի այդ, ակներև է, որ Իսրայելը շարունակում է ոչնչացման ու բռնագրավման որոշումներով գրավյալ տարածքներում բնակվող պաղեստինցիներին տարհանելու համակարգված փորձերը»,-ասված է հայտարարության տեքստում:
Թուրքիայի ԱԳՆ-ի փոխանցմամբ՝ Իսրայելի այս քաղաքալանությունը հակասում է միջազգային իրավունքին: Թուրքիան միջազգային հանրությանը կոչ է արել ավելի խիստ արձագանքել այդ խնդրին:
Հիշեցնենք, որ Իսրայելն ավելի վաղ հայտնել էր, որ հաստատվել է Երուսաղեմի հարավարևելյան Հար Հոմա շրջանում նոր 540 բնակարանային համալիրների կառուցման ծրագիրը:
