Google Play-ը կսկսի ցույց տալ հավելվածների կողմից հավաքված տվյալները
Բացի այդ, Android բովանդակության խանութը շուտով մաքրելու է խաղերի և ծրագրերի անունները:
Հաջորդ տարվանից Google Play-ում հավելվածները ցույց կտան մանրամասներ այն մասին, թե ինչ տվյալներ են նրանք հավաքում, ինչպես նաև այլ տեղեկություններ գաղտնիության պրակտիկայի վերաբերյալ: Այս ամենը կցուցադրվի անվտանգության նոր բաժնում յուրաքանչյուր խաղի կամ ծրագրի ներքո:
Հայտարարությունը տարածվեց App Store-ում Apple-ի գաղտնիության վերաբերյալ նմանատիպ տեղեկատվություն սկսելուց մի քանի ամիս անց: Ճիշտ այնպես, ինչպես Apple-ի քաղաքականությունը տարածվում է իր սեփական ծրագրերի վրա, Google-ի Android Store-ը պետք է հստակ նշի, թե ինչ տվյալներ են հավաքում իր սեփական ծառայությունները:
Google-ը գրում է, որ այս նախաձեռնությունը նախատեսված է օգնելու մարդկանց հասկանալ, թե ինչ տեղեկատվություն են ստանում կամ փոխանցում ծրագրերը, և ինչպես են պաշտպանվում այդ տվյալները: Համապատասխան բաժնում մանրամասն կներկայացվի, թե արդյոք ծրագիրը մուտք ունի՞, օրինակ, գտնվելու վայր, կապեր կամ անձնական տեղեկություններ, ինչպիսին է էլ. փոստի հասցեն: Բացի այդ, պետք է նշվի գաղտնագրման աջակցությունը, եթե այդպիսիք կան, ինչպես նաև անվտանգության բաժնի երրորդ կողմի ստուգում և ձեր տվյալների ջնջում պահանջելու կարողություն:
Միևնույն ժամանակ, Google-ը կհստակեցնի, որ ցանկանում է ոչ միայն ցուցադրել ստացված տվյալների ցուցակը, այլև մշակողներին հնարավորություն տալ բացատրել, թե ինչու են իրենք այդ տեղեկատվությունը ստանում, ինչպես են դրանք օգտագործվում, և արդյոք դա ազդում է ծրագրի գործունակության վրա:
Այս տվյալները կսկսեն հայտնվել Google Play-ում միայն 2022 թվականի սկզբին, որպեսզի մշակողներն ունենան բավարար ժամանակ փոփոխություններ կատարելու և իրենց բոլոր արտադրանքները փորձարկելու համար: Դրան զուգահեռ՝ շուտով Android բովանդակության խանութը կսկսի մաքրել ծրագրերի անուններն ու նկարագրությունները՝ Google-ի նոր պահանջների համաձայն։ Բոլոր մշակողները պետք է հեռացնեն մեծատառերով գրված բառերը, ինչպես նաև հրաժարվեն էմոջիներից, բացականչական նշաններից և այնպիսի բառերից, ինչպիսիք են՝ Free, Sale, Best և այլն:
Սիրարփի Աղաբաբյան
