Գողություն վարսավիրանոցից․ հանցագործությունը բացահայտվել է
Մայիսի 1-ից 2-ն ընկած ժամանակահատվածում Աշտարակի Սիսակյան փողոցի գեղեցկության սրահից գողություն էին արել։ Գողացել էին հեռուստացույց, փող, վարսահարդարման սարքեր ու հարդարանքի պարագաներ։
Բաժնի քրեական հետախույզների և համայնքային ոստիկանների համատեղ միջոցառումների արդյունքում տեղեկություններ ստացվեցին, որ գողությունը հնարավոր է կատարած լինեն 23 և 30 տարեկան երկու տղամարդ, որոնցից մեկը՝ Դիլիջան քաղաքի, մյուսը Երևանի բնակիչ են։
Մայիսի 3-ին երկուսն էլ բերման ենթարկվեցին ոստիկանության Աշտարակի բաժին։
23-ամյա երիտասարդը տվել է խոստովանական բացատրություն։
Ձեռնարկվում են միջոցառումներ՝ գողոնը հայտնաբերելու ուղղությամբ:
Փաստի առթիվ նախապատրաստվում են նյութեր:
