«Այլոց ժամանակի և կյանքի նկատմամբ անպատասխանատու վերաբերմունքն է, որ երկիրն այսօր կործանման եզրին է հասցրել». Հովհաննես Ավետիսյան

Հովհաննես Ավետիսյանը ֆեյսբուքյան իր էջում գրում է․ «Հուսով եմ Աստղիկ ԲԿ-ն ինձ շնորհակալություն կհայտնի այս գրառման համար: Astghik Medical Center

Երեկ զանգում եմ լաբորատորիա, հարցնում եմ արյան անալիզները հանձնելու համար ինչքան վաղ կարելի է գալ: Պատասխանում են, որ 24 ժամ աշխատում են: Հաստատելու համար կրկին հարցնում եմ՝ եթե առավոտյան շատ շուտ գամ հնարավո՞ր է հանձնել անալիզները. Ասում են՝ այո:

Այսօր առավոտյան 7:30-ից մորս հետ այնտեղ էինք, առաջինն էինք: Լաբորատորիայի ներսի տարածքից մի աշխատակից ասաց, որ շատ շուտ ենք եկել և պետք է սպասենք:
Անալիզները հանձնել ենք 9:10 և կրկին առաջինն էինք, իսկ այդ պահին հավանաբար արդեն մի 20 սպասող կար:

Արդյունքում, մեկ այլ հաստատությունում երեխայի հետազոտության պայմանավորվածությունը չեղարկվեց (հաջորդը 2 շաբաթ անց), օրվա պլանավորվածս խաթարվեց:

Այլոց ժամանակի և կյանքի նկատմամբ անպատասխանատու վերաբերմունքն է, որ երկիրն այսօր կործանման եզրին է հասցրել:

Աստղիկ ԲԿ հաջորդիվ այցելությունների իմ միակ դրդապատճառը որակյալ բժիշկներն են, որոնցից ոմանց հետ նաև լավ բարեկամներ ենք»։